Gipahigayon sa Department of Environment and Natural Resources Region IX ang 2025 Year-End Assessment ubos sa pagpanguna ni Regional Executive Director Arturo E. Fadriquela, aron susihon ang mga kalampusan, update, ug kinatibuk-ang performance sa rehiyon.
Atol sa kalihokan, gihatag ni Environmental Management Bureau Region IX Director Atty. Abbas I. Lao ang update sa mga programa ug nahimo sa bureau, samtang gipresentar ni OIC Assistant Regional Director for Technical Services Diomides M. Pablo ang kahimtangan sa teknikal nga operasyon. Gipahibalo usab ni Assistant Regional Director for Management Services Marie Angelique C. Go ang mga kalamboan sa Quality Management Services.
Gipadayag ni OIC Chief of Finance Atty. Rhea May C. Comcom ang kahimtangan sa pondo ug paggasto, samtang gipresentar ni Planning and Management Division Chief Dante R. Rojas ang summary sa pisikal nga performance sa 2025. Ang assessment nahimong higayon sa pagtimbang sa mga kalampusan, pag-ila sa kakulangan, ug paglatid sa mas lig-on nga direksyon sa operasyon sa DENR IX.(JENIFFER JR. DELICA)
Source/Photo Courtesy: DENR Zamboanga Peninsula