Gipalig-on sa Department of Agrarian Reform (DAR) ug sa lokal nga panguluhan sa Dipolog ang panag-uban alang sa climate-resilient nga agrikultura, diin benepisyaryo ang Dipolog–Polanco Irrigators Association Marketing Cooperative (DPIA–MARCO), atol sa nahisgutan sa courtesy visit kang City Mayor Roberto Y. Uy, kaniadtong Enero 19, 2026.
Gipahibalo sa DAR Zamboanga del Norte, nga gipangulohan ni Atty. Daisy Dell S. Digamon, ang paghatag og hauling truck ug organic plant supplement nga nagkantidad og ₱1,874,800.00.
Ang assistance gipondohan ilalom sa Agrarian Reform Beneficiaries Development Sustainability Program (ARBDSP), Climate Resilient Farm Productivity Support Program (CRFPSP) Major Crop-Based Block Farm (MCBF) Productivity Project, ug ang Agrarian Reform Fund (ARF), aron mapalambo ang produksyon, marketing, ug pag-angay sa mga mag-uuma sa epekto sa climate change.
Sumala sa DAR, ang maong suporta makatabang sa episyente nga pagbalhin sa produkto, pagpaubos sa gasto, ug pagpalig-on sa panginabuhian sa mga agrarian reform beneficiaries, uban sa padayon nga suporta sa lokal nga gobyerno sa Dipolog.(IKEN B. GULLEM)
Source: Dipolog City Government