ZAMBOANGA DEL NORTE – Gipalig-on ang panaghiusa alang sa agraryong kalamboan human mibisita si Provincial Agrarian Reform Program Officer II Daisy Dell Suan Digamon kang First Congressional District Congressman Roberto T. Uy, Jr., uban si Board Member Jimmy Patrick Israel B. Chan.
Gitutokan sa courtesy visit ang paghisgot sa umaabot nga mga plano ug kolaboratibong inisyatibo sa mga proyekto sa agraryong reporma, ilabi na ang pagpa-angay sa mga programa sa lokal nga development goals aron mapalambo ang kahimtangan sa agrarian reform beneficiaries ug mga rural nga komunidad.
Gipasiugda sa mga lider ang kahinungdanon sa lig-on nga koordinasyon tali sa Department of Agrarian Reform ug lokal nga mga magbubuhat og polisiya aron masiguro ang epektibo, patas, ug malungtarong kalamboan sa Unang Distrito sa Zamboanga del Norte.(JENIFFER JR. DELICA)
Source: DAR Zambonorte