DIPOLOG CITY – Gisugdan sa Department of Agrarian Reform Zamboanga del Norte ang modernisasyon sa pagdumala sa mga legal nga kaso human malampusong ipahigayon ang Installation ug Re-Orientation Workshop sa Legal Case Monitoring System niadtong Enero 19, 2026, sa Top Plaza sa Dipolog City.
Ang Legal Case Monitoring System usa ka digital nga sistema nga gitumong sa mas paspas, organisado, ug episyenteng pag-adjudicate ug pag-resolba sa mga kaso sa agraryong reporma. Gipangulohan ang kalihokan sa DAR Central Office ubos sa liderato ni MIS Director Arden M. Bandal, uban ang LCMS Coordinator nga si Sheila David nga mitudlo sa hustong paggamit ug implementasyon sa sistema.
Pinaagi sa pagpangulo ni Provincial Agrarian Reform Program Officer II Daisy Dell Suan Digamon, Mipasiugda ang DAR Zamboanga del Norte sa ilang andam ug lig-on nga paningkamot sa pag-angkon sa digital nga solusyon aron mapalig-on ang hustisya, transparency, ug people-centered nga serbisyo sa lalawigan.(JENIFFER JR. DELICA)
Source: DAR Zambonorte