Gipahigayon sa Department of Agrarian Reform Regional Office IX (DAR RO IX) ang usa ka Records Management Audit (RMA) niadtong Nobyembre 28, 2025, aron mapalig-on ang transparency, integridad sa mga dokumento, ug paspas nga serbisyo sa publiko.
Mitambong sa maong audit ang mga records officers ug custodians gikan sa DAR Central Office ug mga provincial offices sa rehiyon. Gitan-aw ang mga dibisyon sama sa Legal, Administrative, Land Tenure Improvement, Agrarian Reform Beneficiaries Development and Sustainability, Finance, ug Support to Operations sa ilang filing systems, dokumentaryong proseso, ug pagsunod sa records management standards.
Gipakita usab sa audit ang kamaayu sa pipila ka yunit pinaagi sa timed document retrieval activity, diin ang Personnel Section nakakuha og dokumento sulod lang sa 9.12 segundos, gisundan sa Supply Section (10.55 s) ug General Services Section (12.30 s). Nagpakita kini sa kahinungdanon sa organisado nga sistema ug ang epekto niini sa paspas ug episyenteng serbisyo.
Gidayeg sa Assistant Regional Director for Administration (ARDA) Rizzel B. Villanueva ang tanang dibisyon sa ilang paningkamot ug gipasabot nga ang kolaborasyon ug koordinasyon sa matag yunit mao’y yabi sa pagpalambo sa serbisyo.
Gipasalamatan usab sa Regional Office ang Central Office Audit Team ug provincial representatives sa ilang giya ug suporta, ug gilauman nga ang mga rekomendasyon sa RMA makatabang sa pagpalig-on sa kahapsay, kapaspas, ug maayong pamalaod sa DAR Regional Office IX.(JENIFFER JR. DELJCA)
Source: DAR Region IX