Mitambong ang mga miyembro sa Regional Human Resource Merit Promotion and Selection Board sa Department of Agrarian Reform Regional Office IX sa usa ka tulo ka adlaw nga leadership conference nga nagtutok sa Human Resource Governance ug sa 2026 Omnibus Rules on Appointments and Other Human Resource Actions sa Garden Orchid Hotel, Zamboanga City.
Ang kalihokan nagtigom sa mga opisyal sa human resource management gikan sa lain-laing ahensya aron hisgutan ang mga kausaban sa 2025 ORAOHRA ug paabton ang mas episyente ug epektibong pagdumala sa personnel actions sa gobyerno pinaagi sa pagpangulo sa Assistant Directors nga sila si Engr. Agnes Maata ug Rizzel Villanueva.
Matod ni Engr. Maata, dako ang tabang sa komperensya sa pagsabot sa kalainan sa 2017 ug 2025 ORAOHRA, nga makatabang sa pagpalig-on sa HR governance sa DAR. Samtang giingon usab ni Villanueva nga ang kolaborasyon ug pagbinayloay og ideya tali sa mga lider maoy yawe sa hustong pag-atubang sa mga hagit sa human resource management. Gitutukan sa DAR IX ang pagpatuman sa mga nakat-unan aron mas lig-on, tin-aw, ug epektibo ang sistema sa human resources.(JENIFFER JR. DELICA)
Source: DAR Region IX