Midawat og cash allowance ug dugang suporta gikan sa Local Government Unit sa Dapitan ang mga atleta sa DepEd Schools Division of Dapitan City nga moapil sa Palaro 2026 nga pagahimoon sa Agusan del Sur.
Gipangulohan ni Dapitan City Mayor Evelyn T. Uy uban sa mga city officials ug miyembro sa Local School Board ang paghatag sa tabang isip pagpadasig sa mga student-athletes nga magrepresentar sa syudad sa national sports competition.
Gipadayag sa DepEd Schools Division of Dapitan City ang dakong pagpasalamat sa LGU tungod sa padayong suporta nga nakahatag og dugang inspirasyon, kusog, ug determinasyon sa mga atleta sa pagdala sa ngalan sa Dapitan City uban sa garbo ug kahusayan.
Gituohang dako ang maong suporta sa pagpalig-on sa moral ug kumpiyansa sa delegasyon samtang nagpadayon ang paningkamot sa pagdasig sa kabatan-onan sa sportsmanship, disiplina, ug pagkab-ot sa kalampusan sa natad sa sports.(JENIFFER JR. DELICA)
Source: DepED Tayo- Division of Dapitan City