Dali nga mitubag ang Shift “A” personnel sa Dapitan City Fire Station sa report bahin sa usa ka bitin nga nakasulod sa usa ka balay sa Barangay Dawo, Dapitan City.
Ubos sa pagpanguna ni FSINSP Rommel M. Rojas, Acting City Fire Marshal, gisusi sa mga responder ang kwarto diin gitaho nga nagtago ang bitin taliwala sa mga kahon. Usa-usa nilang gipangbalhin ug giablihan ang mga kahon hangtod nga ilang nakit-an ang bitin.
Luwas nga gikuha sa mga responder ang bitin gikan sa sulod sa balay, nga nagpugong sa posibleng peligro sa mga nagpuyo niini. Ang maong operasyon nahitabo niadtong Agosto 9, 2026.
Giawhag ang publiko nga dili mosulay sa pagkuha sa mga bitin o ubang ihalas nga mananap kung makasulod kini sa panimalay, kondili mangayo dayon og tabang sa mga awtoridad aron malikayan ang posibleng kadaot.(JENIFFER JR. DELICA)
Source: BFP R9 Dapitan City Fire Station