Nadawat sa La Esperanza 4Ps SLP Association ang ₱300,000 nga Project Development and Advancement Grant o PDAG atol sa turnover ceremony nga gipahigayon niadtong Agosto 6 sa La Esperanza Covered Court, Rizal.
Pormal nga giturn-over ngadto sa asosasyon ang maong grant gikan sa Sustainable Livelihood Program o SLP isip dugang nga suporta sa pagpalambo ug pagpalig-on sa ilang panginabuhian ug mga kalihokan. Mitambong usab sa seremonya ang mga representante sa Provincial Social Welfare and Development Office ug SLP, lakip si Provincial Coordinator Therese Marvel B. Arcenal ug SLP MPDO II Ms. Ellen Mae A. Elopre.
Mitambong usab si Mayor Marissa D. Manigsaca aron ipakita ang suporta sa maong programa ug sa mga inisyatiba nga nagtumong sa pagpalambo sa panginabuhian sa mga pamilyang benepisyaryo. Gilauman nga magamit sa asosasyon ang ₱300,000 nga grant sa pagpadayon sa ilang livelihood initiatives ug pagpalig-on sa kapasidad sa ilang mga miyembro.
Padayon ang pagtinabangay sa SLP, PSWDO, Lokal nga Pangagamhanan sa Rizal ug mga komunidad sa pagpatuman sa mga programa nga nagtumong sa pagpalig-on sa panginabuhian ug paghatag og dugang nga oportunidad sa mga pamilyang Rizalnon.(JENIFFER JR. DELICA)
Source: Municipality of Rizal