Mitubag dayon ang Shift B EMS personnel sa Dapitan City Fire Station sa usa ka vehicular accident niadtong Agosto 16, diin usa ka pasyente ang gituohang adunay fracture sa wala nga bukongbukong ug mga garas sa tuo nga kamot ug tuhod.
Pag-abot sa responders, nakaplagan ang pasyente nga adunay panimuot ug maayong pakigkomunikar samtang naglingkod sa kilid sa dalan. Gihimo dayon ang primary assessment ug gisusi ang vital signs sa pasyente.
Gihatagan dayon ang pasyente og first aid, lakip ang paglimpyo sa mga samad ug pagbutang og povidone-iodine solution. Gisplint usab ang apektadong bukongbukong aron mapugngan ang paglihok niini ug masuportahan samtang gidala ngadto sa ospital.
Human sa paunang pag-atiman, luwas nga gidala ang pasyente sa Dr. Jose Rizal Memorial Hospital alang sa dugang nga pagsusi ug gikinahanglang medikal nga pagtambal. Maayo usab nga na-endorse ang pasyente sa medical staff sa ospital sa wala pa mibalik ang EMS team sa ilang estasyon.(JENIFFER JR. DELICA)
Source: BFP R9 Dapitan City Fire Station