Walo na usab ka berried crabs ang gipagawas balik sa Dapitan River isip kabahin sa padayon nga kampanya sa City Government of Dapitan sa pagpanalipod ug pagpadaghan sa kahinguhaan sa katubigan.
Gipangulohan ni Mayor Evelyn “Belen” T. Uy, uban ni City Councilor Dennis Tan, chairman sa Committee on Agriculture, ang maong kalihokan nga gitambongan usab sa mga kawani sa City Agriculture Office ug mga on-the-job trainees (OJTs).
Ang pagpagawas sa mga berried crabs nagtugot niini sa pagpangitlog sa ilang natural nga pinuy-anan, nga makatabang sa pagpadaghan sa populasyon sa alimango, pagpreserbar sa biodiversity sa suba, ug pagsiguro sa malungtarong kahinguhaan alang sa umaabot nga mga henerasyon.
Padayon usab nga giawhag sa City Government of Dapitan ang publiko sa pagpanalipod sa mga berried crabs ug pagpraktis sa responsableng pagpangisda aron mapreserbar ang kinaiyahan ug mapalig-on ang food security sa siyudad.(IKEN B. GULLEM)
Source: Dapitan City Government