Aron ipahibalo ang bag-ong mga lakang sa pagpalig-on sa produktibidad, disiplina, ug maayong panggobyerno, naghiusa ang City Government of Dapitan City sa Job Order (JO) Personnel General Assembly nga gipahigayon sa Cultural and Sports Center
Gipangunahan ni OIC–City Administrator Danilo S. Areños Jr. ang kalihokan, diin iyang gipatin-aw nga ang tanan Job Order personnel planong i-renew alang sa 2026, sumala sa mga giya sa lokal nga kagamhanan. Tumong niini ang paghatag kasiguruhan ug kalinaw sa mga JO workers.
Gihatagan usab og gibug-aton ang Semestral Performance Assessment isip paagi sa pagtan-aw sa performance, pagpalambo sa serbisyo, ug pagdasig sa propesyonalismo. Gihisgutan usab ang mas paspas nga salary processing aron malikayan ang kalangay sa suweldo.
Gipahinumduman ang mga empleyado sa importansya sa hustong attendance, punctuality, ug klarong responsibilidad sa trabaho. Lakip usab sa assembly ang orientation sa SSS, PAG-IBIG, ug PhilHealth aron masabtan sa JO personnel ang ilang mga benepisyo.
Sumala sa administrasyon ni Mayor Evelyn “Belen” Uy, ang kalihokan kabahin sa padayon nga paningkamot sa lungsod sa pagpalig-on sa workforce ug paghatag episyente, patas, ug kalidad nga serbisyo sa katawhan.(IKEN B. GULLEM)
Source: City Government of Dapitan