Gipahigayon mismo sa buhatan sa Dapitan City Police Station nga gipangunahan ni Officer in-Charge (OIC) Pltcol. Eva Joy E Capurcos, ang Coordination Meeting, tali sa mga representante gikan sa Bureau of Fire Protection (BFP), maingon man ang mga personahe usab gikan sa Bureau of Jail Management and Penology (BJMP) kagahapon adlawa, Hulyo 16, 2025 sa may alas 10:00 ang takna sa Buntag.
Ang nasangpit nga Coordination Meeting nakasentro sa pagdumala ug kolabasyon sa pagpalambo alang sa Emergency Response, maingon man ang pagpatuman sa Public Safety nga mga pagpaningkamot.
Ang hiniusang pagtinabangay sa nasangpit nga mga Awtoridad sa Dakbayan sa Dapitan, nagpakita sa tinud-anay nga mga pag-alagad, alang sa Masluwas ug mas Hapsay nga Komonidad, nga maoy gustong mahitabo sa nahisgutang syudad, nga gipangunahan sa bag-ong Mayor nga si Evelyn T. Uy.(Julius Esmade)
Source: Dapitan City Police Station