Arestado sa gikasa nga operasyon sa kapulisan ang usa ka construction worker kinsa notado nga Top 10 Most Wanted Person sa kasong Acts of Lasciviousness,niadtong Disyembre 2,2024,sa may alas 5:20 ang takna sa hapon.
Naila ang akusado nga si Artemio Camenños Malon-og, 43 anyos, construction worker ug residente sa Barangay J.P. Brillantes, Siocon.
Nasikop kini sa operatiba Siocon Municipal Police Station (MPS), pinangulohan sa PCPT Giovanni E. Icalina, sa koordinasyon sa 905th RMFB9, 2nd ZNPMFC, ug ZNPIU sa krimen ubos RA 7610 Acts of Lasciviousness, ubos sa RA 7610 nga giamendar sa RA 11648, subay sa warrant nga giisyu ni Hon. Anthony D. Isaw, Presiding Judge sa RTC 9th Judicial Region, Branch 27, niadtong Oktubre 29, 2024, ubos sa Criminal Case No. 2024-10-11(2850), nga adunay girekomendar nga piyansa nga Php 48,000.
Ang dinakpan gipahibawo sa iyang katungod sa konstitusyon ug anaa na sa kustodiya sa Siocon MPS alang sa tukmang disposasyon.(Medalyn U. Borja)
Source: ZNPPO