Gidawat sa Liloy District Jail ang pagbisita ni Congressman Adrian “Ian” Amatong isip kabahin sa pagtan-aw ug pag-asses sa kahimtang sa pasilidad, ilabina sa padayon nga konstruksyon sa perimeter fence.
Tumong sa inspeksyon sa pagmonitor sa kalamboan sa imprastraktura nga giila nga importante kaayo sa pagpalig-on sa seguridad dili lamang sa mga personahe kondili apil usab sa mga Persons Deprived of Liberty (PDLs).
Sa maong pagbisita, gipresentar ang update sa ongoing construction nga nagpakita sa padayon nga paningkamot sa pagpaayo sa physical security measures sa pasilidad.
Gipasiugda sa mga opisyal nga ang pagpalig-on sa imprastraktura usa ka kritikal nga aspeto sa epektibong jail management, nga naghatag og mas luwas ug organisadong palibot sulod sa correctional facility.
Gilauman nga pinaagi sa padayon nga suporta sa mga stakeholder sa gobyerno, mas mapalambo pa ang seguridad ug kondisyon sa Liloy District Jail alang sa kaayohan sa tanang apektado.(IKEN B. GULLEM)
Source: Liloy District Jail-BJMP R9