Misalmot sa gipahigayon nga Command Post Exercise (CPX) ug rehearsal sa 97th Infantry Battalion, 1st Infantry Division, Philippine Army ang mga opisyal ug enlisted reservist nga mga personnel sa 902nd Ready Reserve Infantry Battalion (902RRIBn)—ubos sa 902nd Community Defense Center (902CDC), 9th Regional Community Defense Group (9RCDG), Reserve Command, Philippine Army (RESCOM, PA) nga gipangulohan ni COL MANDY T LIBERTINO ART (GSC) PA niadtong Hulyo 31,2026 didto sa Dipolog Sports Complex, Olingan, Dipolog City.
Ang maong ehersisyo naghiusa sa mga personnel gikan sa 902RRIBn, Bureau of Fire Protection (BFP), Philippine National Police (PNP), ug Philippine Coast Guard (PCG) isip pagpangandam alang sa umaabot nga Inter-Agency Territorial Defense Operation (IATDO) Exercise 2026.
Sa nasangpit nga programa gihimo ang usa ka pagbansay-bansay og mga praktikal nga ehersisyo sama sa Mortar Gunnery, Battle Drills, Close Quarters Battle (CQB), Tactical Combat Casualty Care (TCCC), ug mga operasyon sa Sniping/Counter-Sniping.
Usa ka lakang nga naghatag koordinasyon tali sa nagkalain-laing ahensya, alang sa kaandam sa operasyon, ug sukdanan sa ilang kapasidad alang sa hiniusang pagtubag sa mga sitwasyon.
Sa samang higayon ang mga partisipante nakadawat og instruksyon bahin sa mga parte ug gimbuhaton sa Harris Radio aron mapalambo ang interoperability sa komunikasyon atol sa hiniusang operasyon, ingon man ang pagbansay sa Cybersecurity aron mapalig-on ang kahibalo ug kalig-on batok sa mga nag-umol nga hulga sa digital nga aspeto.(MEDALYN U. BORJA)
Source: 902nd Community Defense Center