Gipahigayon ang hugot nga inspeksiyon sa mga barko ug pampasaherong sakayan sa lain-laing pantalan sa Zamboanga del Norte aron masiguro ang kaluwasan sa pagbiyahe sa mga molarga atol sa pag-obserba sa Undas 2025.
Gipangulohan ni LTJG Sonny Philip E. Habal, PCG, Commander sa Coast Guard Station Zamboanga del Norte, uban ni LTJG Rosseau Z. Clerigo, PCG, Commander sa Coast Guard Sub-Station Dapitan, ang hugtong inspeksiyon sa mga barko aron masiguro ang hugot nga pagtuman sa Pre-Departure Inspection (PDI) procedures..
Ang maong kalihokan kabahin sa Oplan Byaheng Ayos: Undas 2025, nga nagtumong sa paggarantiya sa kaluwasan ug seguridad sa mga pasahero samtang gilauman ang pagtaas sa pasahero nga mobiyahe atol sa pag-obserba sa Undas.
Gipunting sa inspeksiyon ang pagsusi sa kalig-on sa mga barko, pagsunod sa maritime safety regulations, ug pag-verify sa kahimtang sa life-saving ug firefighting equipment aron mapadayon ang luwas nga pagbiyahe sa kadagatan.
Samtang, ang CGK9 Zamboanga del Norte mipakusog sa paneling operations sulod sa pantalan ug sakay sa mga barko aron mapugngan ang pagpasulod sa mga iligal nga butang ug masiguro ang kaluwasan sa publiko.(IKEN GULLEM)