Mipasalig ang City Tourism Officer sa Dapitan, pinaagi ni Ms. Apple Marie Agolong, atol sa gipahigayon nga Courtesy Visit ug Interview sa Anchorman sa programang ” Mulo sa Katawhan” sa RPN-DXKD Radyo Ronda Dipolog, kagahapong adlawa, Agusto 12, 2025, nga matud pa niini, iyang buhaton ang kutob sa iyang mahimo, aron dili na maka pangbiktima pa ngadto sa mga turista sa dakbayan sa Dapitan, ang gibuhat nga Modus sa usa ka Photographer, nga nangbiktima sa mga ka Lokal nga Turista.Tungod sa maong panghitabo, mipadangat sa iyang nasinatian Ritche Elisan, ngato sa programang “Mulo sa Katawhan” niadtong nakalabay’nga adlaw.
Dugang pa nga pahayag ni Dapitan City Tourism Officer Ms. Agolong, nga iyang ipadangat ngadto kang Mayor Evelyn T. Uy, ang gibuhat nga Modus sa nasangpit nga Photographer, ug iyang ipakita sa Mayor ang hulagway sa maong Maniniyot, ug siya naniguro, nga dili na maka pangbiktima pa og laing mga Turista sa Dapitan, ang naasoy nga Photographer.
Tungod niini, iyang gipahimangno-an ang Publiko, nga dili magpadala sa binu-ang sa mga mangingilad, tungod kay matud pa niini, nga “walay mag-abusar kon walay magpa-abusar”. Sa katapusan siya miingon nga iyang ipatawag ang nahisgutang Photographer, isip unang aksyon nga iyang mabuhat, ug alang sa paghatag og pagtagad, sa Mulo nga gipadangat sa nahimong biktima nga Ritche E. Elisan, sa naasoy nga Photographer.(Julius Esmade)