“One of our really most important objective in public service is to protect our constituents – the people, from all forms of criminalities and harm, and that is to keep them safe and protected. And we can all achieve peace, security and development when there is close coordination, support and collaboration between government and the public.” Mao kini ang unod sa welcome remarks nga gipabati ni Mayor Darel Dexter T. Uy, atol sa gipahigayong paglusad sa Task Group Zamboanga del Norte niadtong Nobyembre 14, 2020 didto sa Camp Lt. Diogracias Hamac sa Sicayab ning dakbayan sa Dipolog.
Nasayran nga ang Dakbayan sa Dipolog maoy nahimong “host LGU” atol sa ikadugang hugna sa paglusad sa TG Zambo Norte o nailhang Task Force “Pink Panther” diin ang unang paglusad niini ang gipahigayon sa Triple S-B (Siocon, Sirawai, Sibuco – Baligui-an) nga nahimutang sa ikatulong distrito sa probinsiya sa Zamboanga del Norte.
Mipabati usab si Mayor Darel Uy sa iyang pasalamat ug kahimu-ot gumikan kay mahatagan na ug dugang suporta ang kagamhanang lokal sa Dipolog sa pakigbatok sa kriminal nga mga kalihukan nga gipaagi sa kadagatan ug “inland waters” sa duha ka dakbayan sa Dipolog ug Dapitan ug sa kintaibuk-ang probinsiya, pinaagi sa suod nga koordinasyon ug pagtinabangay sa mga kapolisan, kagamhanan, mga hingtungdang katawhan, ug ang katugbang sa Armed Forces of the Philippines (AFP).
Nasayran nga ang Task Group Zambo Norte o Task Force Pink Panther maoy konsepto ni PBGEN Jesus D Cambay, Jr., ang kasamtangang PNP Regional Director sa Rehiyon 9, nga maoy episiyenteng tubag sa pagpanulis, pagkidnap, pangilkil, iligal nga droga, ug uban pang mga kriminal nga kalihokan sa kadagatan nga gipaagi sa “coastal and inland waters” sa probinsiya (Zamboanga del Norte) ug duha ka dakbayan sa Dipolog ug Dapitan.
Sa pakighinabi ni PBGEN. Cambay, Jr., iyang gipasabot nga gikinahanglans ang TG Zambo Norte aron mapakgang ang “kidnap-for-ransom” pinaagi sa “sustained pro-active maritime and coastal anti-criminality program”; pagkunhod o pagpakgang sa “supply” sa illegal drugs pinaagi sa pag-access sa pagdumili sa pagsulud sa baybayon; pagpanihit sa paglihok sa mga kriminal nga grupo, ASG/LTG nga ana-a sa maritime ug coastal environment; ug pagpakgang sa “piracy”, illegal fishing, o susamang kriminalidad nga nagbiktima sa mga fisherfolks.
Sa susamang kalambu-an atol sa paglusad sa Task Force Pink Panther, gibendisyunan ang 20 ka mga patrol boats ug “sea assets”; pagpirmahay sa MOA tali sa mga LGU ug PNP; pagturn-over sa crime prevention patrol boats; ug ang pagpahigayon sa aktuwal nga “capability demonstration /scenario presentation sa usa ka kaso sa kidnapping; ang paghatag sa pasalig sa “commitment “ gikan ni ZN Provincial Governor Roberto Y. Uy, Mayor Roberto L. Uy, Jr. – ang Presidente sa ZDN Mayors’ League, DILG Provincial Director Oliver B. Ombos, Coast Guard Station Commander – CDR Paul Ryan C. Gonzales PCG, 102nd Brigade Commander BGEN. Leonel M. Nicolas INF (GSC) PA, ug PBGEN Jesus D. Cambay, Jr.; ug pagselyo sa ilang mga pasalig sa pagpirmahanay sa Pledge of Commitment, kauban sa ubang stakeholders nga mitambong sa kalihukan. Gitak-op ang paglusad sa Task Group Zambo Norte pinaagi sa presentasyon sa “ZNPPO IMPLAN TO ZAMBONORTE TO PRO9 TF “Pink Panther” PCOL Ronald T. Briones, ang Police Director sa ZNPPO. (City Information Office-prr)