Nagpagawas og pahibalo ang lokal nga kagamhanan sa Dipolog base sa report sa PAGASA nga ang Tropical Cyclone Tino posibleng magdala og kusog nga ulan, hangin, ug pagbaha o landslide sa pipila ka parte sa Zamboanga Peninsula, lakip na ang Dakbayan sa Dipolog sa umaabot nga mga adlaw.
Gihangyo ang publiko nga mag-andam daan pinaagi sa paglig-on sa atop ug bintana, pag-secure sa mga butang sa gawas, ug pagpundo og pagkaon, tubig, ug mga kinahanglanon sa emerhensiya. Maglikay usab sa pag adto sa baybayon ug sapa, ug pagbiyahe sa mga lugar nga delikado sa baha o landslide.
Gipasabot usab sa lokal nga panggamhanan nga kinahanglan mahibalo ang tanan sa labing duol nga evacuation center ug magpabiling alerto sa mga pahibalo gikan sa awtoridad.(JENIFFER JR. DELICA)
Source: Dipolog City Government