Gidawat ni Dipolog City Mayor Roberto Y. Uy sa City Mayor’s Office niadtong Hulyo 29 ang mga opisyal sa National Youth Commission (NYC) atol sa usa ka courtesy visit nga nagtumong sa pagpalig-on sa panagtambayayong alang sa kalamboan sa kabatan-onan.
Nag-uban sa pagbisita sila NYC Commissioner-at-Large Assistant Secretary Gervy James Gumarit ug NYC Social Marketing Division Chief Cristabeth Madrigal, diin ilang gihisgutan ang mga posible nga inisyatibo ug programa nga mahimong ipatuman pinaagi sa panag-uban sa NYC ug City Government of Dipolog.
Tumong sa maong panagtigom ang pagpalambo sa mga programa nga magpalig-on sa kaayohan, liderato, ug aktibong partisipasyon sa mga batan-ong Dipolognon sa nation-building ug sa pag-uswag sa komunidad.
Pinaagi sa maong courtesy visit, gipakita sa NYC ug City Government of Dipolog ang ilang padayon nga paningkamot sa paghimo og mas daghang oportunidad alang sa kabatan-onan pinaagi sa lig-on nga kolaborasyon.(IKEN B. GULLEM)
Source: Dipolog City Government