Mibisita sa City Mayor’s Office sa Dipolog City niadtong Agosto 18, 2026 ang mga delegado gikan sa Barangay Poblacion, San Pablo, Zamboanga del Sur, isip kabahin sa ilang educational tour nga gipangulohan ni Punong Barangay Hon. Noel Paeste.
Giubanan ang mga bisita nila City Disaster Risk Reduction and Management Officer Ryne Bustillo ug Dipolog CDRRMO Research and Planning Division Head Edwin A. Bation.
Gawas sa courtesy visit, nahimong higayon usab kini aron makaila ang mga delegado sa mga programa ug pamaagi sa Dipolog City sa disaster risk reduction and management.
Ang ilang pagbisita nagtumong sa pagkuha og mga ideya ug praktis nga mahimong makatabang sa pagpalig-on sa disaster preparedness sa ilang barangay.(IKEN B. GULLEM)
Source: Dipolog City Government