Gilauman nga magmugna og dugang trabaho ug panginabuhian sa komunidad ang bag-ong chocolate processing facility nga gilunsad sa Department of Trade and Industry (DTI)-9 alang sa Barcelona Innovative Cacao Growers sa Dapitan City.
Gitumong ang pasilidad aron dili lang mapalambo ang produksyon sa cacao, kundili makahatag usab og trabaho sa pagproseso, packaging, ug pagbaligya sa tsokolate.
Sumala kang Mayor Evelyn Uy, ang proyekto magpalapad sa kita sa komunidad pinaagi sa paghatag og dugang nga roles gawas sa pagtanom.
Gipasabot ni DRI-9 Regional Director Engr. Al-Zamir I. Lipae nga ang Shared Service Facility usa ka pamaagi aron mapalambo ang inclusive growth pinaagi sa paghatag og access sa teknolohiya ug negosyo sa grassroots level.
Sa bahin sa organisasyon, nagpasalamat si BICAGROW Chairperson Gloria M. Samson ug nag-ingon nga ang proyekto magbukas og daghang oportunidad sa ilang mga miyembro ug sa komunidad.(IKEN B. GULLEM)
Source: Zamboanga del Norte Provincial News Network