Gibansay sa Dapitan City Fire Station ang mga bag-ong miyembro sa Community Fire Auxiliary Group o CFAG sa Barangay Cawa-Cawa aron mapalig-on ang ilang kahandam sa pagresponde sa sunog ug uban pang emerhensya.
Gipahigayon ang unang adlaw sa duha ka adlaw nga workshop ubos sa pagdumala ni FSINSP Rommel M. Rojas, Acting City Fire Marshal, diin giapil ang hands-on training ug practical exercises alang sa mga volunteer.
Gipunting sa pagbansay ang mga basic skills sama sa Basic Life Support, knot-tying, pag-andam sa biktima, hose connection, ug hustong paggamit sa Personal Protective Equipment o PPE.
Sumala sa BFP, tumong sa maong programa nga mapalig-on ang kumpyansa, koordinasyon, ug kahandam sa komunidad, ilabi na sa mga sitwasyon nga nagkinahanglan og paspas ug husto nga aksyon.(JENIFFER JR. DELICA)
Source: BFP R9 Dapitan City Fire Station