Usa ka kalihokan ang gipahigayon sa Community Environment and Natural Resources Office (CENRO) Liloy nga may kalabot sa kasaulogan sa National Women’s Month, niadtong Marso 22, 2024, didto sa Brgy. Banigan, Liloy, Zamboanga del Norte.
Alayon sa maong aktibidad mao ang kamahinungdanong kontribusyon sa kababayen-an ug alang sa pagpalambo sa gender equality.
Gisugdan ang aktibidad sa usa ka Zumba session alang sa tanan nga nisalmot,naghatag ug kalingawan ug kahimsog.
Si CENR Officer Antonio Z. Yanos kinsa mi abi-abi ngadto sa tanan ug gipasiugdahan ang importansya sa kababayen-an sa katilingban ug ang mga lakang nga nahimo sa paghatag gahum sa kababayen-an.
Sa samang higayon,si Atty. Ellen G. Nalzaro kauban si Atty. Anilyn O. Evangelista, kinsa mga legal experts,nanguna alang sa informative lectures, diin gituki niini ang usa ka tipik kabahin sa Violence Against Women and Children (VAWC) ug ang Magna Carta of Women.
Ang maong mga hilisgotanan naglatid sa mga nisalmot sa kahibalo bahin sa ilang ligal nga mga katungod, nga mahimong maghatag ug gahum alang sa sa pagpasiugda sa kaugalingon lakip na ang uban.
Kabahin sa maong programa, aduna usab mga raffle,dula, nga nagdala og kalipay ug panaghiusa sa mga partisipante.
Sa katapusan ang program nagpahimumdom sa kalig-on,kalampusan,panginahanglan,pag padayon nga mga paningkamot sa kababaihan,paghatag ug gahom ngadto sa mga magkaparehas sa gender. (Medalyn U. Borja)
(Source: DENR Zamboanga Peninsula)