Sa nagpadayon nga kainiton sa panahon nga dala sa El Niño ni nihit usab ang supply sa tubig sa bisan asa nga lugar sa nasud.
Sa dakbayan sa Mandaue nihimo og lakang ang kagamhan aron pagtubag sa problema sa tubig.
Diin ilang gipang ayo ang mga poso nga nangaguba aron makahatag kini og tubig sa ilang mga lugar.
“Gilantaw ni Mayor Jonas Cortes nga daku kaayo og ikaabag sa panginahanglan sa katawhan ang tubig poso nga maoy alternatibo sa nihit nga agas sa MCWD.” matod sa PIO Mandaue City.
“Sukad 2023 hangtud karon 59 na ka Poso sa Tubig ang napaayo sa Kaabag Mo Jonas Cortes pinaagi sa Purok Development Office ug Department of General Services.” dugang pa sa taga PIO.
Daghan usab ang nagalipay niini kay aduna na silay kakuhaan og tubig kung wlay agas ang MCWD sa ilang lugar. (Renante Lada)
(Source: Mandaue City Public Information Office)