Nakigpulong si Cooperative Development Authority (CDA) Region IX Regional Director Ruben L. Cunanan, uban si City Cooperative and Development Officer Ms. Elena Doris R. Sarande ug duha ka kawani sa CDA Region IX, kang City Mayor Roberto Y. Uy sa City Mayor’s Office niadtong Agosto 11, 2026, aron hisgutan ang mga posibleng programa, inisyatibo, ug pakigtambayayong tali sa CDA ug sa City Government sa Dipolog.
Nahimong higayon ang maong panagtigom aron masuta sa duha ka opisina ang mga larangan nga mahimong pagtinabangay aron mapalig-on pa ang sektor sa mga kooperatiba sa dakbayan.
Gihisgutan usab ang mga inisyatibo nga nagtumong sa pagpalambo sa kooperatiba ug paghatag og malungtarong oportunidad sa panginabuhian ug ekonomiya alang sa mga lokal nga komunidad.(IKEN B. GULLEM)
Source: Dipolog City Government