Ang buhatan sa Zamboanga del Norte Police Provincial Office (ZNPPO) nipahigayon ug usa ka Bloodletting Activity, sulod sa ilang pasilidad sa ZNPPO Conference Room, Camp Hamac, Sicayab, ning dakbayan sa Dipolog, Enero 23,2025.
Ang maong aktibidad gipangulohan ni Dr. Carmelle B Amahit, Team Leader, Diplomate Philippine Society of Pathologists ug ACE Medical Center, Dipolog City ug sa koordinasyon sa Jose Rizal Memorial Hospital, Dapitan City.
Sa maong kalihokan mikabat sa 37 ka mga personahe sa PNP ang nagsilbing donors ug pipila sa mga miyembro sa force multipliers, diin kini kabahin usab sa tribute alang sa Heroic Sacrifice sa SAFF 44 subay sa tema nga “Courage Beyond Measure: Remembering the Sacrifice of the SAF 44 for Peace”.
Usa ka pamaagi lang sa pagpalig-on sa pag suplay sa dugo nga makatabang ug takos ngadto sa mga katawhan sa probinsya sa Zamboanga del Norte, nga kritikal nga nanginahanglan ug dugo. (Medalyn U. Borja)
(Source: Zamboanga del Norte Police Provincial Office)