Mipahigayon ug usa ka orientation ang buhatan sa Philhealth Dipolog,alang sa mga Person’s Deprived of Liberty (PDL) sulod sa pasilidad sa Bjmp Dipolog City Jail Male Dormitory, Pebrero 7,2025.
Ang maong kalihokan pinangunahan Ms. Rachel M. Pinsoy, Social Insurance Officer II uban ni Mr. Keith Patrick Cambalon, SIA I. ubos sa pag organisar sa Unit Welfare and Development (UWD).
Kini gisugdan sa pangbukas nga mahinungdanong mensahe ni Jail Chief Inspector MANUEL U CALIBO, Acting Jail Warden nga nag-abiabi ug nag-ila sa mga bisita ug sa tanang PDL, diin 19 ka mga PDL ang nisalmot sa maong oryintasyon.
Nagkadaiyang benepisyo ug insurance packages nga anaa sa PDL nga gipresentar nila ni Ms. Pinsoy ug Mr. Cambalon,ilang gitunol ang mga porma sa aplikasyon nga masulatan para sa mga PDL,ug sila nagtambag ngadto sa tanang senior citizen PDL nga mahimo nang maka-apply alang sa Philhealth ID.
Tumong niini ang pagpasiugda sa kamahinungdanon sa pagpahibalo ug paghatag gahum sa PDL aron mapahimuslan ang mga magamit nga benepisyo.(Medalyn U. Borja)
Source: Bjmp Dipolog City Jail Male Dormitory