Misalmot sa gipahigayon nga Brigada Eskwela 2026 Kick-off Program ang mga personahe sa Coast Guard Sub-Station Dapitan (CGSS Dapitan) niadtong Hunyo 1, 2026 sa Baylimango National High School, Brgy. Baylimango, Dapitan City.
Gipangunahan ang kalihokan sa administrasyon sa tunghaan uban sa koordinasyon sa mga partner nga ahensya ug stakeholders, mga magtutudlo,ginikanan, mga representante sa lokal nga gobyerno, ug mga boluntaryo sa komunidad sa pagpahigayon sa mga kalihokan sa pagpanglimpyo, pagmentinar, ug pag-ayo sulod sa matag tunghaan.
Tumong niini nga maandam ang mga pasilidad sa eskwelahan ug pagkat-on nga palibot alang sa pag-abli sa mga klase alang sa School Year 2026–2027 nga maghatag sa mga estudyante og luwas, limpyo, ug maayo nga palibot alang sa edukasyon.
Usa ka inisyatiba nga nagpasiugda sa kamahinungdanon sa kolektibong aksyon ug mga paambit nga responsibilidad.
Sa samang higayon,padayon ang pasalig sa CGSS Dapitan sa Brigada Eskwela isip pagpakita sa Philippine Coast Guard sa pakiglambigit ug suporta sa komunidad sa mga programa nga makapalambo sa nasud pinaagi sa pagpasiugda sa edukasyon ngadto sa mga kabatan-onan.(MEDALYN U. BORJA)
Source: Coast Guard Sub-Station Dapitan