Isip pagduyog sa kasaulogan sa National Breastfeeding Awareness Month sa bulan sa Agosto, ang City Health Office kauban ang City Nutrition Division ning dakbayan, ang mipahigayon sa Breastfeeding Summit 2023 Agosto 29 ning tuiga.
Kini ang gipahigayon aron usab nga mahimong aktibo ang mga breastfeeding mothers sa mga kalihukan ang dunay kalabutan sa maayong panglawas.
Si Mayor Darel Dexter T. Uy kinsa maoy amahan ning dakbayan ang mipadayag sa usa ka madasigong mensahe ngadto sa mokabat 150 ka mga partisipantes nga naglangkob sa mga nagpa-suso nga mga inahan kauban ang ilang kapikas sa kinabuhi ug mga Health Care Providers/Professionals.
Gihimo usab ang usa ka lecture pinaagi ni Ms. Elnora-May T. Enero, RN, ug mipadayag sa ilang mga mensahe nga dunay kalabutan sa breastfeeding ug nutrisyon sila si Ms. Marycris L. Torres, MNCHN Coordinator ug Ms. Riza Jane B. Zamoras, ang City Nutrition Action Officer (CNAO).
(Source: Dipolog City Government Facebook page)