Nagkahiusa ang nagkalain-laing opisina sa City Government of Dipolog ug mga giimbitahang ahensya sa usa ka coordination meeting kaniadtong Enero 20, 2026 sa Museo Dipolog aron pangandaman ang umaabot nga BOSS Ironman Mindanao Cup karong umaabot Enero 31, 2026.
Gipangulohan ang miting ni City Legal Officer Atty. Goldie Love P. Gonzales, diin gihisgutan ang mga plano bahin sa seguridad, logistics, ug koordinasyon ilabi na kay ang Dipolog City magsilbing major checkpoint sa ruta sa mga rider.
Samtang, pinaagi niini gipakita sa city government ang ilang hugot nga suporta sa maong kalihokan nga nagpalambo sa turismo, kaluwasan sa publiko, ug lokal nga ekonomiya sa siyudad.(IKEN B. GULLEM)
Source: Dipolog City Government