Malampusong napahigayon sa dakbayan sa Dapitan ang Boat Racing Competition, nga Gi-organisar sa City Agriculture Office, ubos sa pagpanguna ni City Agriculturist Cyril Patangan, diin gipangunayan mismo ni Mayor Evelyn T. UY, ang pagtunol sa mga Premyo ngadto sa mga Midaog sa nasangpit nga kompetisyon, niadtong nakalaby’ng adlaw, Hulyo 23, 2025.
Ang naasoy nga aktibidad gitambungan usab sa pipila ka mga konsehales sa nahisgutang Syudad, diin kini gilangkuban nila ni Dennis P. Tan, Alexandra Judith P. Meily, Erasmo Bayron, ug ni Bienvinido Dini-ay, kinsa likip usab nga mitunol sa mga Award niadtong mga mananaog sa nasangpit nga Lumba sa mga Pumpboat sa mga misalmot nga mga Mananagat.
Nasayran nga ang mapalad nga nakakuha sa unang ganti, mao ang taga Barangay Sicayab Bucana, nga si Rodel Sumalpong, diin iyang nadawat ang 7.5 Horse Power nga makina ug ang kantidad nga Php2,000.00, samtang ang nakakuha sa ikaduhang dapit, mao si Reysan P. Icalina, nga taga Barangay San Pedro, diin iyang nadawat ang premyo nga 6.5 ka Horse Power nga Makina, lakip na ang kantidad nga Php1,500.00, maingon man nakuha ni Wilson Sumalpong, nga taga Barangay Selinog ang 6.5 horse power usab nga Makina, ug ang kantidad nga Php1,000.00, samtang ang laing 14 ka mga mipartesipar sa maong Lumba, nakadawat usab og tag Php500.00 isip consulation Prize’s ug aduna usay pisi o lubid, isip token of appresiation.
Gibutyag usab niini nga ang maong aktibidad, Subay sa Selebrasyo sa Kinabayo Festival 2025, diin dili lamang kini mao ang unang higayon nga ginabuhat sa nasangpit nga dakbayan, tungod ug alang sa kalingawan sa mga katawhan, nga mahiligon sa maong Lumba sa pumpboat kon Boat Racing Competition.(Julius Esmade)