Nagpahigayon ug Basic Life Support ug Cardiopulmonary Resuscitation (BLS-CPR) program ang buhatan sa Provincial Health Office ug Zamboanga del Norte Medical Center (PHO – ZNMC) Health Emergency Management Services sa duha ka Munisipyo sa Sindangan ug Liloy District Hospitals niadtong nakalabay nga Abril 10, 2024.
Ang maong programa gitambungan nila ni Sindangan District Hospital OIC Dr. Mejorada, ug sa mga medical workers ug mga kawani sa PDRRMO.
Ang Basic Life Support (BLS) program usa ka pagbansay nga nagtumong sa paghatag ug katakus para sa inisyal nga mga lakang sa pagtubag aron sa pagluwas sa mga kinabuhi nga mao ang pundasyon sa tanang paningkamot sa resuscitative, kini usab isip pagsunod sa licensing standards sa buhatan sa Department of Health (DOH) gihimo sa Zanorte Provincial Office inabagan ni Team leader Mr. Rommel C. Jamolod kauban ang health emergency staff nga sila si Mr. Ralph Kevin C. Agustin, Gerone Barry N. Hampac ug Kim C. Cho.
Dugang pa, kini nga programa mao ang nag-unang prayoridad sa Gobernador ning lalawigan sa Zamboanga del Norte nga si Governor Rosalina “Nanay Nene” Jalosjos aron pagsangkap sa mga konstituwente sa Zanorte sa gikinahanglan nga mga kahanas ug kahibalo aron epektibong makatubag sa mga emerhensya nga naghulga sa kinabuhi, sa ingon nagdugang ang kahigayonan nga mabuhi.
Nagtataw sa katakus nga makaluwas sa kinabuhi nga kinahanglan makab-ot sa usa ka tawo aron makatabang sa pagpabuhi, sa usa ka tawo nga nakasinati og cardiac arrest o pagkapakyas sa pagginhawa, pinaagi sa pag-resuscitate. (Medalyn U. Borja)
(Source: Provincial Government of Zamboanga del Norte)
