Maanyag nga gidawat ni Binibining Sindangan 2025 Abigail Dela Cerna Balili ang yawe sa iyang bag-ong sakyanan, usa sa mga dagkong premyo gikan sa iyang kadaugan sa Binibining Sindangan 2025 nga gipahigayon kaniadtong Disyembre 20, 2025 sa Sindangan People’s Cultural and Sports Center.
Ang ceremonial turnover gipangunahan ni Mayor Glona G. Labadlabad, kauban si Vice Mayor Nilo Florentino Z. Sy ug ang mga miyembro sa Sangguniang Bayan, human sa Flag Raising Ceremony kagahapong adwa, Disyembre 22, 2025.
Gawas sa sakyanan, nakadawat usab si Ms. Balili og ₱500,000.00 cash ug usa ka Asian Tour nga adunay ₱50,000.00 travel allowance.
Apil sa maong seremonya ang upat (4) ka Binibining Sindangan 2025 Runners-Up, nga naghatag sa ilang unang courtesy call kang Mayor Labadlabad. Gisuroy usab nila ang lain-laing opisina sa LGU Sindangan, nga nagtimaan sa pagsugod sa ilang serbisyo ug representasyon sa munisipyo.(IKEN B. GULLEM)
Source: Local Government Unit of Sindangan