31 C
Manila
Friday, December 8, 2023

Dipolog: Biktima Sa Bagyong Maring Nakadawat Og Ayuda Gikan Ni Mayor Uy

- Advertisement -

Mainitong midawat og mga food packs ang 235 ka pamilya nga nagagikan sa tulo (3) ka mga purok sa Brgy. Olingan ning dakbayan sa Dipolog gikan sa kagamhanang lokal sa Dipolog sa pagdumala ni Mayor Darel Dexter T. Uy, hapona, Oktubre 14 ning tuiga.

Ang tulo ka purok mao ang De Oro, Corales ug Fishermen’s Village kansang mga lumulopyo ang apektado sa bagyong Maring nga nihapak bag-o pa lamang.
Sa pakighinabi ni Mrs. Wennie L. Tagapan, Chairperson sa CFARMC (City Fisheries Aquatic Resources Management Council), gibutyag niini nga dili lalim ang ilang gibating kahadlok ug kabalaka sa dihang nagsugod na og huros ang kusog nga hangin uban sa pagdagko sa mga balod nga sumala niya, moku-ot gayod ilawom sa balas, gani ang ilang pansayan nga pito ka hollow blocks nga gilubong, natumpag man.
Dugang niyang kompirmasyon nga dunay 15 ka mga balay ang “partially damaged” samtang duha (2) ang “totally damaged”. Niini, wala nagmakuli si Tagapan sa pagpahibalo ni Mayor Uy sa nahitabong kalamidad og dako kaayo ang iyang pasalamat kay hinanali kining gi-aksiyonan sa batan-ong mayor og mihatag dayon sa hinabang sa mga nabiktima sa bagyo.
Sa nasangpit nga pagbisita ni Mayor Uy, uban sa iyang kapikas, sa tulo (3) ka mga purok, wala niini hikalimti ang pagpahimangno sa katawhan nga magpabakuna aron dunay proteksiyon ang matag usa batok sa COVID-19 virus, misa-ad usab kini sa katawhan nga paningkamotan niya nga maplastar og mahatagan ang mga lumulopyo og kapuy-an nga ha-om sa ilang panginabuhian ug luwas gikan sa mga kalamidad sama sa bagyo.

Malipayong gidawat sa mga apektadong pamilya ang food packs nga gilangkuban sa bugas, noodles ug de lata gikan sa kagamhanang lokal pinaagi sa City Social Welfare and Development Office (CSWDO).

(Source: Dipolog City Government Facebook page)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -