DAPITAN CITY — Nagpalig-on sa ilang koordinasyon ang Dapitan City Fire Station ug Dapitan City Police Station isip pagpangandam sa umaabot nga Semana Santa 2026 aron masiguro ang kaluwasan sa publiko.
Gipangunahan sa Acting City Fire Marshal nga si FSINSP Rommel M. Rojas ang maong pakighinabi, diin gihisgutan ang mga contingency plan, deployment sa personnel, ug mga pamaagi sa emerhensyang pagresponde sa panahon sa selebrasyon.
Tumong sa maong kolaborasyon nga mapalig-on ang panaghiusa sa mga ahensya, mapauswag ang seguridad, ug malikayan ang posibleng insidente samtang nagpadayon ang mga relihiyosong kalihokan ug pagbiyahe sa katawhan.
Gipasiugda sa mga otoridad ang ilang andam nga serbisyo aron maseguro ang malinawon, luwas, ug organisadong pag-obserbar sa Semana Santa alang sa tanang residente ug bisita sa siyudad.(JENIFFER JR. DELICA)
Source: BFP R9 Dapitan City Fire Station