Gibantayan sa mga personnel sa Sindangan Municipal Fire Station ang lebel sa tubig sa Barangay Goleo, Sindangan isip kabahin sa ilang pagpalig-on sa disaster preparedness ug pagpanalipod sa komunidad batok sa posibleng epekto sa pagsaka sa tubig.
Gihimo sa mga bombero ang water level monitoring activity aron masuta ang kasamtangang kahimtang sa lugar, matino ang posibleng risgo ug mapatuman dayon ang angay nga mga lakang alang sa kaluwasan sa mga residente.
Ubos sa pagpangulo ni Acting Municipal Fire Marshal FSINSP Francis Carl T. Paulite, padayon nga gipalig-on sa Sindangan Municipal Fire Station ang ilang monitoring ug preparedness efforts aron masiguro ang kahandam panahon sa dili maayong kahimtang sa panahon.
Giawhag usab ang publiko nga magpabiling alerto, mosunod sa mga opisyal nga pahimangno ug magbantay sa kahimtang sa ilang palibot aron malikayan ang posibleng peligro.(JENIFFER JR. DELICA)
Source: BFP Sindangan Municipal Fire Station v2