REGION IX — Nagpadayon ang Bureau of Fire Protection (BFP) Region IX sa pagpalig-on sa kahimsog ug kaayohan sa mga personnel pinaagi sa komprehensibong Medical Profiling nga gipahigayon sa Regional Health Service.
Ubos sa liderato ni Regional Director FCSUPT Jerry Duhina Candido, DSC, gilunsad ang kalihokan niadtong Pebrero 16 ug magpadayon hangtod Pebrero 27, nga naglangkob sa tanang Fire Stations sa tibuok Region IX.
Tumong sa inisyatiba nga masusi ang kinatibuk-ang kahimtang sa panglawas sa mga bombero, masayran og sayo ang posibleng medikal nga kondisyon, ug mapauswag ang kultura sa fitness ug operational readiness sulod sa fire service.
Pinaagi sa maong proactive health monitoring, ginapalig-on sa BFP Region IX ang iyang komitment dili lamang sa pagpanalipod sa komunidad, kundili usab sa pag-atiman sa kahimsog sa mga nagserbisyo sa atubangan sa peligro.(JENIFFER JR. DELICA)
Source: Bureau of Fire Protection Region IX