Ang Bureau of Fire Protection (BFP) Polanco, nga gipangulohan ni SFO4 Jose Vincent S Jasme, Acting Municipal Fire Marshal, nagpa-fire hose shower sa tanang partisipante sa Color Fun Run nga gipahigayon sa Barangay San Antonio, Polanco, Zamboanga del Norte niadtong Agosto 24, 2025, isip kabahin sa pagsaulog sa Linggo ng Kabataan 2025.
Ang maong kalihokan nagtumong sa paghatag og lingaw ug kahimsog nga panagtigom alang sa mga kabatan-onan, samtang nakapakita usab ang BFP-Polanco sa ilang suporta pinaagi sa pagpa-experience og fire hose shower nga nagpasibya sa kalipay ug kahupayan human sa fun run.
Gawas sa paghatag og kalipay, nakahatag usab kini og oportunidad sa publiko nga mas mapalambo ang relasyon ug kadasig sa mga kabatan-onan sa lungsod, ug makita ang importansya sa kooperasyon tali sa komunidad ug ahensya sa gobyerno sama sa BFP.(Jumalisa Papa)