Gipahigayon ang mangrove planting activity sa Barangay Lamao, Liloy, Zamboanga del Norte niadtong nilabay nga adlaw isip kabahin sa paningkamot sa pagpanalipod sa kaayuhan sa komunidad.
Giorganisa kini sa Municipal Environment Management Office uban sa MDRRMO, diin miapil usab ang personnel sa Liloy Fire Station ubos sa pagpanguna ni FINSP Dave C. Dela Cruz.
Sumala sa mga organizer, ang matag mangrove nga gitanom makatabang sa pagpugong sa storm surge, paglikay sa coastal erosion, ug paghatag og proteksyon sa mga baybaying lugar.
Gipasiugda nga ang maong kalihokan dili lang tubag sa kalamidad kundi lakang sa paglikay niini, aron masiguro ang kaluwasan ug kaugmaon sa sunod nga henerasyon.(JENIFFER JR. DELICA)
Source: BFP R9 Liloy Fire Station