Mipadayon ang pag-ayo sa kalidad sa hangin sa Metro Cebu base sa pinakabag-ong datos ni kagahapon Abril 21, 2026. Sumala sa Environmental Management Bureau 7 (EMB-7), mikunhod na ang Air Quality Index (AQI) ngadto sa 139 gikan sa mas taas nga lebel sa miaging mga adlaw. Kini nagpasabot nga ang kahimtang sa hangin karon gi-classify na isip “Unhealthy for Sensitive Groups” ug dili na “Very Unhealthy.”
Gituohan nga ang pag-ayo sa kahimtang tungod sa kusog nga hangin sa lugar, nga nakatabang sa pagkatag sa mga pollutant sa hangin. Tungod niini, nawala gamay ang haze nga mitabon sa dakbayan ug nakatabang sa paglimpyo sa palibot.
Base sa datos, gikan sa 199 nga AQI niadtong Abril 19 ug 177 niadtong Abril 20, misaka ang kahimtang ngadto sa mas maayong lebel karon. Sa Talisay City, nakita ang pagkunhod sa PM2.5, samtang sa Toledo City nagpabilin nga “Good” ang kalidad sa hangin.
Bisan pa sa pag-ayo, gipasidaan sa mga otoridad nga magbantay gihapon ang publiko. Ang mga bata, tigulang, ug adunay sakit sa baga o kasingkasing girekomendar nga limitahan ang dugay nga pagpabilin sa gawas o bug-at nga kalihokan.
Alang sa proteksyon, gidasig ang paggamit og face mask sama sa N95 o KN95 labi na sa mga sensitibong grupo. Padayon usab nga monitoron sa EMB-7 ang kahimtang sa hangin aron mahatagan og update ang publiko ug masiguro ang kaluwasan sa tanan.
Source: Cebu Province PIO
I via Renante Socia Lada