LILOY, ZAMBOANGA DEL NORTE — Dali nga mitubag ang Emergency Medical Service personnel sa Liloy Municipal Fire Station sa usa ka vehicular accident sa Barangay Sta. Cruz niadtong Abril 5, 2026.
Sa ilang pag-abot, ilang gisiguro ang kaluwasan sa lugar ug nasuta nga ang pasyente naglingkod, conscious ug responsive, apan adunay mga samad ug garas sa iyang mga bukton ug bitiis.
Gihatagan dayon siya og unang tabang pinaagi sa paglimpyo sa mga samad gamit ang limpyo nga tubig ug antiseptic solution, dayon gibutangan og sterile dressing aron malikayan ang impeksyon.
Human sa initial nga pag-atiman, gidala ang pasyente pinaagi sa ambulansya sa BFP ngadto sa Liloy Integrated District Hospital alang sa dugang eksaminasyon ug hustong pagtambal.(JENNIFER JR. DELICA)
Source: BFP R9 Liloy Fire Station