SERGIO OSMEÑA, ZAMBOANGA DEL NORTE — Nagpahigayon og outreach activity ang 1st Zamboanga del Norte Provincial Mobile Force Company pinaagi sa 3rd FOB Platoon, diin nanghatag sila og snacks sa mga batang miagi sa ilang detachment sa Barangay Venus, Sergio Osmeña.
Tumong sa kalihokan ang paghatag og gamayng kalipay ug pag-amuma sa mga kabataan, diin malinawon ug malipayon nga gidawat sa mga bata ang maong tabang.
Sumala sa kapulisan, ang maong inisyatibo nagpakita nga bisan sa yano nga paagi, mahimo silang makahatag og paglaum ug suporta sa komunidad.
Gipasiugda usab nila nga magpadayon sila sa pagserbisyo uban ang kasingkasing ug dedikasyon aron mapalig-on ang panaghiusa ug kalipay sa katawhan.(JENNIFER JR. DELICA)
Source: Zamboanga del Norte 1st Provincial Mobile Force Company