Gipahigayon sa Bureau of Fire Protection Katipunan Municipal Fire Station ang “Noche Buena Mo, Sagot ng Bumbero” niadtong Disyembre 24, 2025 isip Pamaskong handog sa usa ka pamilya nga naapektuhan sa bag-ong hitabo sa sunog.
Ang kalihokan gipangulohan ni FINSP Richard A. Parame, Acting Municipal Fire Marshal, diin personal nga gihatagan og tabang ug pagkaon ang pamilya aron mabati gihapon ang kahayag sa Pasko bisan pa sa ilang nasinati nga kalisod.
Pinaagi niini, gipakita sa BFP nga labaw pa sa pagpalong ug pagpugong sa sunog ang ilang tahas, kundili apil usab ang pagpakita og kalooy, pag-alagad, ug pagbarog uban sa komunidad ilabi na sa panahon sa Kapaskuhan.(JENIFFER JR. DELICA)
Photo Courtesy: BFP R9 Katipunan Fire Station