Nagpatuman og monitoring visits ang Department of Health Zamboanga Peninsula Center for Health Development sa nagkalain-laing mga ospital sa rehiyon aron masiguro ang kahandam sa pag-atubang sa mga firework-related injuries atol sa holiday season.
Atol sa inspeksyon, gisusi sa DOH Zamboanga Peninsula Center for Health Development ang mga designated treatment areas, kahimtangan sa mga pasilidad, ug ang kahandam sa medical personnel ug resources aron masiguro ang paspas ug kalidad nga paghatag og serbisyo kon adunay mahitabong emerhensiya tungod sa paputok.
Bisan pa sa kaaandam sa mga ospital, gihangyo gihapon sa DOH ang publiko nga magpabiling responsable sa pagsaulog sa Pasko pinaagi sa pagsunod sa mga health reminders sama sa TED o Tamang Pagkaon, Ehersisyo ug Disiplina, Biyahealthy, ug likayan ang paggamit sa paputok aron malikayan ang disgrasya ug magpabiling luwas ang matag pamilya.(JENIFFER JR. DELJCA)
Source: DOH ZAMPEN