Miresponde daun ang Emergency Medical Responders sa BFP Dipolog City Fire Station sa usa ka medical emergency sa Barangay Sta. Filomena, Dipolog City, Zamboanga del Norte niadtong nilabay nga adlaw.
Pag-abot sa Shift A EMS personnel sa lugar, ilang gisiguro ang kaluwasan sa area ug gisusi ang kahimtang sa pasyente nga nakit-ang nagtindog sa gawas sa iyang balay, conscious ug responsive. Nasuta sa inisyal nga assessment nga adunay paghubag sa tuo nga bukton tungod sa pagkahulog gikan sa hagdan.
Gihatagan dayon ang pasyente og hustong first aid, diin gibutangan og splint ug arm sling ang apektadong bukton. Padayon usab nga gibantayan ang iyang kahimtang samtang giandam ang transportasyon.
Gidala ang pasyente sakay sa BFP Ambulance ngadto sa Corazon Hospital sa Dipolog City alang sa dugang nga medical evaluation ug management.(JENIFFER JR. DELICA)
Source: BFP R9 Dipolog City Fire Station