Miresponde dayon ang Emergency Medical Responders sa BFP Dipolog City Fire Station sa usa ka emerhensiyang medikal sa Barangay Olingan, Dipolog City niadtong Hunyo 3, 2026, diin usa ka pasyente ang ilang naabtan nga naghigda sa tunga sa dalan.
Nakaplagan sa mga responder nga adunay panimuot ang pasyente apan nagreklamo og kasakit sa wala niyang paa sa dihang miabot sila sa lugar sa insidente.
Aron malikayan ang posibleng dugang kadaot, gihatagan dayon og first aid ang pasyente pinaagi sa pagbutang og splint sa iyang wala nga paa aron mapalig-on ang naangol nga bahin sa lawas.
Gipahigayon usab ang hustong pag-atiman ug pagposisyon sa pasyente aron masiguro ang iyang kaharuhay ug kaluwasan samtang ginatubag sa BFP ang maong emerhensiya.(JENIFFER JR. DELICA)
Source: BFP R9 Dipolog City Fire Station