Mipahigayon ang Dapitan City Fire Station – Shift A og Fire Suppression Lecture alang sa mga On-the-Job Trainees sa Jose Rizal Memorial State University isip kabahin sa ilang ikaduhang adlaw sa immersion, ubos sa pagpangulo ni Fire Senior Inspector Rommel M. Rojas, registered electrical engineer, Acting City Fire Marshal.
Gipaila sa mga bombero ang nagkadaiyang kagamitan nga gigamit sa aktuwal nga operasyon sa pagbatok sa sunog, lakip ang paspas ug hapsay nga demonstrasyon sa hustong pagsul-ob ug pagtangtang sa firefighting gear sulod sa wala pay duha ka minuto, nga nagpakita sa importansya sa kahanduman, kahapsay, ug kaluwasan atol sa emerhensiya.
Labaw pa sa teknikal nga kahibalo, napuno sa inspirasyon ang sesyon pinaagi sa personal nga kasinatian ug tambag sa mga bombero, nga nagpalig-on sa kumpiyansa sa mga estudyante ug nagpasiga sa ilang tinguha sa pag-alagad uban ang disiplina ug kahusayan.(JENIFFER JR. DELICA)
Source: BFP R9 Dapitan City Fire Station