Samdan ang usa ka indibidwal human ma aksidente sa kadalanan sa Barangay Sulangon, Dapitan City niadtong Pebrero 15, 2026.Dali usab kining girespondehan sa Dapitan City Fire Station Shift B, ubos sa liderato ni FSINSP Rommel M Rojas, Acting City Fire Marshal.
Pag-abot sa lugar, nagsul-ob og hustong protective equipment ang Emergency Medical Services personnel ug gisusi ang kahimtang sa pasyente. Nakit-an nga buhi ug nakahuna-huna pa kini, apan adunay samad sa likod sa ulo, ginalantaw nga posible nga bali sa wala nga collar bone, ug daghang gasgas sa tuo nga paa.
Gipatuman dayon ang unang tabang aron mapugngan ang paglala sa kahimtang. Gibutangan og cervical collar ang pasyente aron dili malihok ang liog, samtang gilimpyohan ug gitabunan ang mga samad aron malikayan ang impeksyon.
Human sukdon ug rekordon ang vital signs ug temperatura, gidala ang pasyente sa Zanorte Medical Center alang sa dugang pagtambal. Nagpabiling andam ang Dapitan City Fire Station sa paghatag og paspas ug episyenteng serbisyo sa matag emerhensiya sa syudad.(JENIFFER JR. DELICA)
Source: BFP R9 Dapitan City Fire Station